81 килограмм вазн тоифасида Париждаги Олимпия ўйинлари чемпиони бўлган норвегиялик оғир атлетикачи Сольфрид Коанда ўз мамлакатидаги оғир атлетикачиларнинг кам даромади ҳақида гапирди.
"Ҳозир ўзимни маъбуда каби ҳис қиляпман, лекин балки яна электрчи бўлиб ишлайман, билмайман. Балки 2028-йилги Олимпиадага тайёргарликни молиялаштириш учун олтин медални сотувга қўйишга мажбур бўларман, кўрамиз", — дея спортчининг сўзларини келтиради NRK.
25 ёшли Коанда даст кўтариш ва силтаб кўтаришда жами 275 кг натижа қайд этиб, Олимпия рекорди билан Париждаги мусобақада ғолиб чиқди.
Иккинчи ўринни мисрлик спортчи Сара Аҳмад (268 кг) эгаллади. Кучли учликка Эквадор вакили Нейси Даҳомес (267 кг) якун ясади.
