Хабарингиз бор, Франциянинг Париж шаҳрида Париж-2024 ёзги Олимпиада ўйинлари бўлиб ўтди. Ушбу нуфузли мусобақада эса, Ўзбекистон спорт делегацияси тарихий натижа яратиб 8 та олтин, 2та кумуш ва 3 та бронза медалларини қўлга киритишди. Боксчиларимиз бўлса, 5 та олтин билан мусобақада тенгсиз бўлдилар.
Бугун улар юртимизга қайтиб келди. Ислом Каримов номидаги Тошкент халқаро аеропортида Париж-2024 ёзги Олимпия ўйинларида муваффақиятли иштирок этган Ўзбекистон делегациясини тантали кутиб олиш маросими бўлиб ўтди.
Кутиб олиш маросимида, Ўзбекистон Республикаси Бош вазири Абдулла Арипов, Ўзбекистон Республикаси Олий Мажлиси Сенатининг раиси Танзила Норбоева, Спорт вазири Адҳам Икрамов, МОҚ мутасаддилари, Ўзбекистон бокс федерацияси расмийлари, мухслислар, спортчиларнинг яқинлари ва ОАВ ходимлари иштирок этишди.
Аеропортдаги тадбир якунидан сўнг, спортчилар Тошкент шаҳри бўйлаб икки қаватли автобусда айланишди ва МОҚ биносида йиғилдилар. Ушбу даргоҳда тадбир давом этилар экан, Олимпиада чемпиони ва совриндорларига мукофотлар топширилди.
Спортчилар қуйидагича мукофотландилар:
Олтин медал соҳибларига:
— 200 минг АҚШ доллари;
— "Tahoe" автомобили;
— 2 қаватли коттедж.
Кумуш медал соҳибларига:
— 100 минг АҚШ доллари;
— "BYD Song Plus EV Champion" автомобили;
— квартира.
Бронза медали соҳибларига:
— 50 минг АҚШ доллари;
— BYD Song Plus DM-i Champion автомобили;
— квартира.
