Xabaringiz bor, Fransiyaning Parij shahrida Parij-2024 yozgi Olimpiada o‘yinlari bo‘lib o‘tdi. Ushbu nufuzli musobaqada esa, O‘zbekiston sport delegasiyasi tarixiy natija yaratib 8 ta oltin, 2ta kumush va 3 ta bronza medallarini qo‘lga kiritishdi. Bokschilarimiz bo‘lsa, 5 ta oltin bilan musobaqada tengsiz bo‘ldilar.

Bugun ular yurtimizga qaytib keldi. Islom Karimov nomidagi Toshkent xalqaro ayeroportida Parij-2024 yozgi Olimpiya o‘yinlarida muvaffaqiyatli ishtirok etgan O‘zbekiston delegasiyasini tantali kutib olish marosimi bo‘lib o‘tdi.

Kutib olish marosimida, O‘zbekiston Respublikasi Bosh vaziri Abdulla Aripov, O‘zbekiston Respublikasi Oliy Majlisi Senatining raisi Tanzila Norboyeva, Sport vaziri Adham Ikramov, MOQ mutasaddilari, O‘zbekiston boks federasiyasi rasmiylari, muxslislar, sportchilarning yaqinlari va OAV xodimlari ishtirok etishdi.

AYEroportdagi tadbir yakunidan so‘ng, sportchilar Toshkent shahri bo‘ylab ikki qavatli avtobusda aylanishdi va MOQ binosida yig‘ildilar. Ushbu dargohda tadbir davom etilar ekan, Olimpiada chempioni va sovrindorlariga mukofotlar topshirildi.

Sportchilar quyidagicha mukofotlandilar:

Oltin medal sohiblariga:

— 200 ming AQSH dollari;
— "Tahoe" avtomobili;
— 2 qavatli kottedj.

Kumush medal sohiblariga:

— 100 ming AQSH dollari;
— "BYD Song Plus EV Champion" avtomobili;
— kvartira.

Bronza medali sohiblariga:

— 50 ming AQSH dollari;
— BYD Song Plus DM-i Champion avtomobili;
— kvartira.