Франциянинг "ПСЖ" клуби "Манчестер Юнайтед"дан қанот вингери Жейдон Санчони трансфер қилиш фикридан ҳали ҳам воз кечгани йўқ.
L’Equipe нашри хабарига кўра, англиялик футболчини қўлга киритишга шахсан бош мураббий Луис Энрике ва спорт директори Луиш Кампуш қизиқиш билдирмоқда. Ҳар икки мутахассис жамоада ҳам ижодкорлик, ҳам самарадорликни таъминловчи вингер бўлишини хоҳлайди.
"Ренн" футболчиси Дезир Дуэ трансфер қилинганига қарамай, "Парк де Пренс"нинг эшиклари Санчо учун очиқлигича қолмоқда. Аввалроқ, "Манчестер Юнайтед" англиялик футболчини фақат 50 миллион евро миқдоридаги товон пули учун қўйиб юбориши ҳақида хабар берилганди. Санчо ўтган мавсумнинг иккинчи ярмини Дортмунднинг "Боруссия" жамоасида ижарада ўтказди ва у Чемпионлар лигаси финалига қадар етиб боришига ёрдам берди.
