"Наполи"нинг "Фрозиноне"дан Марко Брешианини сотиб олиш бўйича келишуви амалга ошмай қолди.
Неаполликлар 24 ёшли ярим ҳимоячини 11 миллион еврога мажбурий сотиб олиш шарти билан 1 миллион еврога ижарага олишга рози бўлди. Брешианини янги жамоаси билан тиббий кўрикдан ўтди, аммо келишув амалга ошмади.
Тахминларга кўра, бу Йенс-Люс Каюстенинг "Наполи"дан "Брентфорд"га ижараси бўйича муваффақиятсиз музокаралар билан боғлиқ бўлиши мумкин.
Инсайдер Фабрицио Романонинг фикрича, ярим ҳимоячига қизиқаётган “Аталанта” вазиятдан унумли фойдаланиши мумкин.
