Уэйн Руни "Шеффилд Уэнсдей"дан учралган мағлубиятдан сўнг "Плимут" футболчиларини танқид қилди.

"Манчестер Юнайтед"нинг собиқ форварди бошчилигидаги жамоа чемпионшипнинг биринчи турида йирик мағлубиятга учради (0:4).

"Ўйиндан сўнг уларга айтдимки, агар бирор ўйинчидан яна шундай ўйин кўрсам, хоҳ у узоқ вақтдан бери клубда бўлган футболчи бўладими, хоҳ янги ўйинчи бўладими, у ўйнамайди.

Менинг фикримча, сиз футбол ўйинларида ютқазишингиз мумкин, бу содир бўлади, лекин сиз асосий нарсаларни қилишингиз керак: югуриш, тўпни ютиш, бунинг учун курашиш, лекин бу содир бўлмади.

Футболчилар билишади, улар ҳар бир ўйинда бор кучларини беришлари кераклигини тушунишади.

Бу мавсумнинг биринчи ўйини ва албатта ҳафсаламиз пир бўлди. Лекин ваҳима қилишнинг ҳожати йўқ, деб ўйлайман, мен мавсумолди даврида қилган ишимизни кўрдим ва бу менга ишонч бағишлайди", деди Руни.