Россия чемпионати 25-турининг яна бир учрашуви ўз ниҳоясига етди. Мосванинг «ЦСКА» жамоаси ўз майдонида ҳамшаҳари «Спартак»ни қабул қилди.

Пойтахт жамоалари ўртасидаги ўзига хос дерби жуда қизиқарли кечди. Дастлаб «Спартак»чилар ҳисобни очишди. «Қизиллар»нинг ирландиялик ярим ҳимоячиси Эйден Макгиди биринчи тайм тугашига яқин жамоасини ҳисобда олдинга олиб чиқди. Иккинчи тайм аввалида Ари ҳисобни иккитага оширди.

Лекин иккинчи таймда Леонид Слуцкий шогирдлари ўзгача иштиёқ билан майдонга тушишди. Дастлаб 73-дақиқада Муса ҳисобдаги фарқни қисқартирди. Учрашувга ҳакам томонидан қўшиб берилган дақиқалар мухлисларга инглизча курашларни тақдим этди.

Мезбонларнинг кетма-кет ҳужумларидан бирида «Спартак» футболчилари жарима майдончаси ичида қоида бузишди. Ҳакам томонидан белгиланган пенальтидан Алан Дзагоев унумли фойдаланди ва жамоасини мағлубиятдан қутқариб қолди.

Россия премьер-лигаси
25-тур

ЦСКА – Спартак 2:2 (0:1)
Голлар: Муса (73), Дзагоев (90+4, пенальти) — Макгиди (42), Ари (46).
ЦСКА: Акинфеев, Марио Фернандес, В.Березуцкий, Игнашевич, Щенников, Цауня (Хонда, 46), Вернблум, Тошич, Вагнер Лав, Дзагоев, Муса.
Спартак: Дикань, Макеев (К.Комбаров, 46), Боккетти, Сухи, Д.Комбаров, Вукоевич, Кариока, Макгиди, Яковлев, Ари (Чельстрем, 71), Мовсисян (Уорис, 50).
Огоҳлантиришлар: Вукоевич (16), Игнашевич (42), Макгиди (48), Уорис (81), Вернблум (83), Боккетти (86), Кариока (90), Сухи (90), Дикань (90).
Четлатиш: Кариока (90).