"Аякс" матбуот хизмати ҳимоячилар Маттейс де Лигт ва Нуссер Мазрауининг "Бавария"дан "Манчестер Юнайтед"га ўтишига изоҳ берди. Эслатиб ўтамиз, ҳар икки футболчи Нидерландия гранди тизимидан ўтган.
"Манчестер қизил", - дея изоҳ қолдирган "Аякс" Х ижтимоий тармоғидаги саҳифасида.
Де Лигт Нидерландия клубининг катталар жамоасида 117 та ўйинда қатнашиб, 13 та гол ва 7 та голли узатмани амалга оширган. 2019 йилда марказий ҳимоячи "Аякс"дан "Ювентус"га ўтди.
Мазрауи Амстердам клуби сафида 137 та ўйин ўтказган. Бу ўйинларда у 10 та гол урди ва 9 та голли узатмани амалга оширди. 2022 йилнинг ёзида марокашлик футболчи "Бавария"га ўтган.
