"Ayaks" matbuot xizmati himoyachilar Matteys de Ligt va Nusser Mazrauining "Bavariya"dan "Manchester Yunayted"ga o‘tishiga izoh berdi. Eslatib o‘tamiz, har ikki futbolchi Niderlandiya grandi tizimidan o‘tgan.

"Manchester qizil", - deya izoh qoldirgan "Ayaks" X ijtimoiy tarmog‘idagi sahifasida.

De Ligt Niderlandiya klubining kattalar jamoasida 117 ta o‘yinda qatnashib, 13 ta gol va 7 ta golli uzatmani amalga oshirgan. 2019 yilda markaziy himoyachi "Ayaks"dan "Yuventus"ga o‘tdi.

Mazraui Amsterdam klubi safida 137 ta o‘yin o‘tkazgan. Bu o‘yinlarda u 10 ta gol urdi va 9 ta golli uzatmani amalga oshirdi. 2022 yilning yozida marokashlik futbolchi "Bavariya"ga o‘tgan.