Лондоннинг “Челси” клуби “Наполи” ҳужумчиси Виктор Осимхеннинг трансфери борасидаги позициясини ўзгартирди. Эслатиб ўтамиз, аввалроқ "кўклар" нигерияликни кейинги сотиб олиш ҳуқуқи билан ижарага олишга тайёр эди. Футболчининг ўзи эса бундай келишувга рози бўлмаган.
Журналист Жанлука Ди Марционинг хабарига кўра, "Челси" энди Осимхенни доимий равишда сотиб олишга тайёр. “Кўклар” Виктор учун “Наполи” қизиқаётган ҳужумчиси Ромелу Лукаку ва маълум миқдорда пул таклиф қилмоқчи.
Осимхен аввалроқ болалигида "Челси"ни қўллаб-қувватлаганини бир неча бор тан олган ва унинг кумири ивуарлик Дидье Дрогба бўлган.
