Londonning “Chelsi” klubi “Napoli” hujumchisi Viktor Osimxenning transferi borasidagi pozisiyasini o‘zgartirdi. Eslatib o‘tamiz, avvalroq "ko‘klar" nigeriyalikni keyingi sotib olish huquqi bilan ijaraga olishga tayyor edi. Futbolchining o‘zi esa bunday kelishuvga rozi bo‘lmagan.
Jurnalist Janluka Di Marsioning xabariga ko‘ra, "Chelsi" endi Osimxenni doimiy ravishda sotib olishga tayyor. “Ko‘klar” Viktor uchun “Napoli” qiziqayotgan hujumchisi Romelu Lukaku va ma’lum miqdorda pul taklif qilmoqchi.
Osimxen avvalroq bolaligida "Chelsi"ni qo‘llab-quvvatlaganini bir necha bor tan olgan va uning kumiri ivuarlik Didye Drogba bo‘lgan.
