"Бавария" ҳужумчиси Харри Кейн янги мавсумдаги асосий мақсадини айтди. Эслатиб ўтамиз, инглиз футболчиси дебют мавсумида "Бавария" билан бирорта ҳам соврин юта олмаган.
"Гол уришда ва жамоага ёрдам беришда давом этмоқчиман. Лекин асосий мақсад - титулларни қўлга киритиш.
Биз "Бавария"ни ғалаба қозониш йўлига қайтаришимиз керак. Бу менинг мақсадим, бу клубнинг мақсади. Бу осон бўлмайди, лекин бизда ажойиб мураббий бор, бизда янги куч ва жуда қизғин машғулотлар бор. Буни ўйинларда ҳам кўрасиз", - дея Кейннинг сўзларини келтиради Bild.
