"Bavariya" hujumchisi Xarri Keyn yangi mavsumdagi asosiy maqsadini aytdi. Eslatib o‘tamiz, ingliz futbolchisi debyut mavsumida "Bavariya" bilan birorta ham sovrin yuta olmagan.
"Gol urishda va jamoaga yordam berishda davom etmoqchiman. Lekin asosiy maqsad - titullarni qo‘lga kiritish.
Biz "Bavariya"ni g‘alaba qozonish yo‘liga qaytarishimiz kerak. Bu mening maqsadim, bu klubning maqsadi. Bu oson bo‘lmaydi, lekin bizda ajoyib murabbiy bor, bizda yangi kuch va juda qizg‘in mashg‘ulotlar bor. Buni o‘yinlarda ham ko‘rasiz", - deya Keynning so‘zlarini keltiradi Bild.
