"ПСЖ" Жэйдон Санчони ўз сафига қўшиб олмоқчи эмас.
"Манчестер Юнайтед" ҳали ҳам парижликлардан Мануэль Угартени сотиб олишни режалаштирмоқда, бироқ бу келишувга инглиз футболчисини қўшиш даргумон. Аввалроқ "ПСЖ" Санчони ижарага олиши мумкинлиги ҳақида хабарлар тарқалган эди.
Қайд этилишича, французлар марказий ҳужумчи билан шартнома имзолашни устувор вазифа деб билишади, қанот ҳужумида эса уларда аллақачон Брэдли Барколя ва Усмон Дембеле бор.
"Бенфика"дан Жоау Невеш сотиб олинганидан кейин "ПСЖ"да Угартенинг сотилиши ҳам долзарб масала сифатида қаралмоқда. Клуб уругвайлик учун камида 51,5 миллион фунт олишни кутмоқда. "Юнайтед" камроқ таклиф қилишга тайёр, аммо ёзги трансфер ойнаси тугагунга қадар келишув ҳали ҳам амалга ошишига умид қилмоқда.
