"Наполи" ҳужумчиси Виктор Осимхен "Челси"га ўтишини осонлаштириш учун маош борасида ён беришга тайёр эмас.

Шу ҳафтада "Наполи" ва "Челси" вакиллари ўртасида учрашув бўлиб ўтди, унда улар нигериялик футболчи учун таклиф билан чиқиш ниятида эканликларини маълум қилишди. Инсайдер Фабрицио Романо таъкидлаганидек, бундан олдин "кўклар" Осимхеннинг ўзи билан баъзи муаммоларни ҳал қилишлари керак. Муаммо шундаки, 25 ёшли форвард ижарага рози эмас ва маошини камайтиришга тайёр эмас – у ҳозир 11 миллион евро ишлаб олади, Лондон клуби эса бундай талабни қондира олмайди.