Машҳур агент Жорже Мендеш "Манчестер Сити" билан ҳимоячи Жоау Канселунинг келажаги борасида музокаралар олиб бормоқда. "Шаҳарликлар" 30 ёшли португалияликни қўйиб юборишга тайёр, фақат ўз шартларига кўра. Футболчининг ўзи ўтган мавсумда ижара асосида ўйнаган "Барселона"га қайтишни жуда хоҳламоқда. Бу ҳақда Sport нашри ўз саҳифаларида хабар берди.
Жоау Канселунинг "Манчестер Сити" билан амалдаги шартномаси 2027 йилнинг ўрталарига қадар мўлжалланган. Transfermarkt портали экспертлари португалиялик футболчини 25 миллион еврога баҳоламоқда.
Канселу “Барселона” сафида 42 та ўйин ўтказиб, 4 та гол урди ва 5 та голли узатмани амалга оширди.
