"Барселона" бош мураббийи Ханс-Дитер Флик "Валенсия"га қарши ўйин олдидан жамоадаги кадрлар ҳолати ҳақида гапирди.

"Ольмонинг рўйхатдан ўтиши? Эртага кўрамиз. Ҳар ҳолда Ольмо ҳали ўйнашга тайёр эмас, унга кўпроқ машғулотлар керак. Педри? Уни кўрганимдан хурсанд бўлдим. Балки эртага иккинчи бўлимда майдонга тушиши мумкин. Умид қиламанки, биз уни майдонда кўрамиз. Ямал ўйнашга тайёр. Де Йонг ва Фати? Мен оптимистман. Уларнинг сафга қайтиши учун менда аниқ сана йўқ, аммо уларнинг тикланиши тўғри йўналишда кетмоқда" - деди Флик журналистларга.

"Валенсия" - "Барселона" учрашуви 17 август, шанба куни бўлиб ўтади.