"Манчестер Сити" бош мураббийи Пеп Гвардиола "Ривер Плейт" ярим ҳимоячиси Клаудио Эчеверрининг ижарадан муддатидан олдин қайтиши мумкинлиги ҳақида гапирди.
Аввалроқ ОАВда "шаҳарликлар" Оскар Боббнинг жароҳати туфайли 18 ёшли аргентиналикни қайтариши мумкинлиги ҳақида маълумотлар пайдо бўлганди.
"Мен бу ҳақда ҳеч нарса эшитмадим. Мен Чики билан Клаудио Эчеверри ҳақида гаплашмадим", - деди Гвардиола.
Эслатиб ўтамиз, "Манчестер Сити" январь ойида Эчеверрини "Ривер Плейт"дан 18,5 миллион евро эвазига сотиб олганди. Бироқ инглиз гранди футболчини 2024 йил охиригача Аргентинада ижара асосида қолдиришга қарор қилди.
