"Барселона" ҳужумчиси Витор Роке кўпроқ ўйин амалиётига эга бўлиши учун Ла Лиганинг бошқа клубига кетиши мумкин.
Каталонияликлар 19 ёшли футболчини ижарага бермоқчи, чунки у асосий таркибга киритилмаган. Журналист Рохер Торельонинг ёзишича, "Жирона", "Бетис" ва "Реал Сосьедад" бразилиялик футболчини жорий мавсум охиригача ижарага олишга тайёр.
Бироқ, даъвогарларнинг ҳеч бири ҳозирча аниқ таклиф билан чиқмаган. Витор Роке “Барселона” сафида 16 та ўйинда 2 та гол урган. Бугун Ханс-Дитер Флик шогирдлари Ла Лиганинг 1-тури доирасида "Валенсия"га қарши баҳс олиб боради. Учрашув Тошкент вақти билан 00:30да бошланади. Роке ҳозирда Испания чемпионати рўйхатидан ўтказилмаган.
