"Барселона" вингери Ламин Ямал тез орада навбатдаги рекордни янгилаши мумкин. 17 ёшли футболчи Ла Лиганинг 1-турида “Валенсия”га қарши ўйинда Роберт Левандовски учун голли узатмани амалга оширди.
Энди ўсиб бораётган суперюлдуз Ла Лиганинг 38 ўйинида ўнта голда иштирок этди (бешта гол ва бешта голли узатма).
Opta хабарига кўра, 21-аср бошидан буён фақат Боян Кркич (13) ва Ансу Фати (12) 18 ёшга тўлгунга қадар Ла Лигада ундан кўп голларда иштирок этган.
Ямал рекордчи бўлиш учун яна тўрт марта гол уриши ёки ассистентлик қилиши керак - бунинг учун унда бутун мавсум бор, чунки вундеркинд келаси йилнинг июлида 18 ёшга тўлади.
