"Барселона" бош мураббийи Ханс-Дитер Флик Ла Лигадаги дебют учрашувида 17 ёшли учта футболчига ишонч билдирган.
“Кўк-анорранглилар” Испания чемпионатидаги янги мавсумини “Валенсия”га қарши сафар ўйини билан бошлади.
Каталонияликларнинг асосий таркибидан Ламин Ямал, Марк Берналь ва Пау Кубарси ўрин олди – ҳар учаласи ҳам 17 ёшда эди.
Opta таъкидлаганидек, замонавий тарихда иккинчи марта (1998/99 йилги мавсумдан бери) бир жамоа Ла Лига ўйинида 18 ёшгача бўлган учта футболчини майдонга туширди.
Биринчи марта бундай ҳолат яқинда қайд этилган эди - шу йилнинг май ойида Ямал, Кубарси ва Эктор Форт бундай натижага эришган. Ўшанда рақиб "Альмерия" эди.
