Хвича Кварацхелия Италия чемпионати ўйинида жароҳат олди.
"Наполи" вингери "Верона"га қарши А Серия 1-тур ўйинида олган жароҳати туфайли танаффусга бироз вақт қолганда алмаштирилди.
Грузиялик футболчи биринчи бўлимга қўшиб берилган вақтда ҳимоячи Павел Давидович билан тўқнашиб кетди. Хвича ўйинни давом эттирди, лекин тез орада ўзини ноқулай ҳис қилганини билдирди.
23 ёшли футболчи эгилиб, кейин майдонга йиқилди. Тиббиёт ходимлари Кварацхелияни бир муддат даволашди, кейин эса футболчини майдондан ташқарига олиб чиқиб кетишди.
Унинг ўрнига Жакомо Распадори майдонга тушди.
