Xvicha Kvarasxeliya Italiya chempionati o‘yinida jarohat oldi.
"Napoli" vingeri "Verona"ga qarshi A Seriya 1-tur o‘yinida olgan jarohati tufayli tanaffusga biroz vaqt qolganda almashtirildi.
Gruziyalik futbolchi birinchi bo‘limga qo‘shib berilgan vaqtda himoyachi Pavel Davidovich bilan to‘qnashib ketdi. Xvicha o‘yinni davom ettirdi, lekin tez orada o‘zini noqulay his qilganini bildirdi.
23 yoshli futbolchi egilib, keyin maydonga yiqildi. Tibbiyot xodimlari Kvarasxeliyani bir muddat davolashdi, keyin esa futbolchini maydondan tashqariga olib chiqib ketishdi.
Uning o‘rniga Jakomo Raspadori maydonga tushdi.
