Илкай Гюндоган Германия терма жамоасидаги фаолиятини якунлаганини маълум қилди.

"Барселона" ярим ҳимоячиси ўз мурожаатида бу қарор ҳақида бир неча ҳафтадан бери ўйлаб юрганини таъкидлади.

"Ўз ватаним учун 82 ўйин ўтказганимни катта фахр билан тилга оламан, 2011-йилда дебют қилганимда бу кўрсаткични ҳеч қачон орзу қилмаган эдим.

Албатта, мен учун энг муҳими бу ёзги Европа чемпионатида жамоа сардори бўлиш шарафи бўлди! Орадан шунча йил ўтиб, ниҳоят, халқим билан яна фахр-ифтихор туйғусини туйишга муваффақ бўлдим, бундан жуда хурсандман.

Аммо турнир бошланишидан олдин нафақат танамда, балки бошимда ҳам қандайдир чарчоқ ҳисси пайдо бўлди, бу мени ўйлантирди", - дея таъкидлади 33 ёшли футболчи.