"Барселона" ва ярим ҳимоячи Илкай Гюндоганнинг йўллари тез орада ажралиши мумкин.

33 ёшли футболчининг Каталония клубини тарк этиш истаги бир неча кун олдин маълум бўлганди. Журналист Хелена Кондиснинг ёзишича, тажрибали германиялик ярим ҳимоячи “Барселона”да қолишни хоҳлаган, бироқ “кўк-анорранглилар”нинг молиявий қийинчиликлари туфайли режаларини ўзгартиришга мажбур бўлган.

Юқори маош олувчи Гюндоганнинг кетиши "Барселона"га Дани Ольмони рўйхатдан ўтказиш ва яна бир қанча янгилар билан шартнома имзолаш имконини беради. Илкай ёрдам беришни хоҳлайди, шунинг учун у кетишга қарор қилди.

Ўтган ёзда Илкай Гюндоган эркин агент сифатида "Манчестер Сити"дан "Барселона"га ўтганди. Футболчининг амалдаги шартномаси 2026 йилгача мўлжалланган.