Германия терма жамоаси сардори ким бўлиши маълум бўлди.
Sky Sport хабарига кўра, Илкай Гюндоган Германия терма жамоасидан кетганидан кейин сардорлик боғичига асосий даъвогар "Бавария" ярим ҳимоячиси Жошуа Киммих бўлиб турибди.
Эслатиб ўтамиз, кеча Гюндоган узоқ ўйланишдан сўнг терма жамоадаги фаолиятини якунлаганини эълон қилди ва шу тариқа Европа чемпионати 33 ёшли ярим ҳимоячи учун Германия учун сўнгги турнир бўлди.
29 ёшли Жошуа Киммихга келсак, "Бавария" ярим ҳимоячиси 2016 йилнинг май ойида миллий терма жамоадаги дебютини ўтказган, шундан бери у Германия терма жамоаси сафида 91 та ўйин ўтказиб, 6 та гол урган.
