Germaniya terma jamoasi sardori kim bo‘lishi ma’lum bo‘ldi.
Sky Sport xabariga ko‘ra, Ilkay Gyundogan Germaniya terma jamoasidan ketganidan keyin sardorlik bog‘ichiga asosiy da’vogar "Bavariya" yarim himoyachisi Joshua Kimmix bo‘lib turibdi.
Eslatib o‘tamiz, kecha Gyundogan uzoq o‘ylanishdan so‘ng terma jamoadagi faoliyatini yakunlaganini e’lon qildi va shu tariqa Yevropa chempionati 33 yoshli yarim himoyachi uchun Germaniya uchun so‘nggi turnir bo‘ldi.
29 yoshli Joshua Kimmixga kelsak, "Bavariya" yarim himoyachisi 2016 yilning may oyida milliy terma jamoadagi debyutini o‘tkazgan, shundan beri u Germaniya terma jamoasi safida 91 ta o‘yin o‘tkazib, 6 ta gol urgan.
