"Ювентус" ва "Рома" Тиагу Джало трансфери бўйича музокара олиб бормоқда.

La Gazzetta dello Sport хабарига кўра, ҳимоячи ўйин тажрибаси камлиги учун Турин клубини тарк этмоқчи ва унинг вакиллари эҳтимолий ўтиш борасида бир нечта жамоалар билан боғланишган.

"Рома" келишув шартларига ойдинлик киритиш учун "бянконери" билан боғланди. "Ювентус" португалияликни 6 миллионга сотиб олиш ҳуқуқи ва фоиз улушини қайта сотиш билан 1 миллион еврога ижарага беришга тайёр.

Джало 2024 йилнинг январида 3,6 миллион евро эвазига трансфер қилинганидан кейин Турин клубида фақат бир марта ўйнади.