"Барселона" "Милан" вингери Рафаэль Леауни сотиб олиш устида ишламоқда. "Блауграна" ҳужумнинг ўнг қанотини кучайтириш ниятида ва яқинда 25 ёшли "россонери" етакчиси асосий нишон сифатида аниқланганди.
Журналист Хосе Алвареснинг ёзишича, Леаунинг ўзи "Барселона"га ўтмоқчи. Клублар ўртасида музокаралар аллақачон бошланган. Молиявий чекловларга қарамай, Каталония гранди А Серия юлдузини трансфер қилиш харажатларини қоплаш учун етарли маблағга эга бўлади.
Шунингдек, агар Рафаэль Леау бўйича келишув муваффақиятсизликка учраса, "Барселона" Италия чемпионатининг яна бир футболчиси "Ювентус" вингери Федерико Кьеза билан шартнома имзолаши қайд этилган.
