Ҳозирда "Челси"да 40 дан ортиқ футболчи билан шартнома тузилган. Лондон жамоаси бош мураббийи Энцо Мареска бу борада фикр билдирди.

“Мен 42 нафар футболчи билан ишламайман. Мен 21 нафар футболчи билан ишлайман. Қолган 15-20 нафар футболчи алоҳида шуғулланади, уларни кўрмаяпман. Бу ташқаридан кўринадиган даражада тартибсизлик эмас. Мутлақо йўқ. Кимдир хоҳласа 20 йиллик шартномага ҳам эга бўлиши мумкин, бу менинг мавзуим эмас. Менга фарқи йўқ", - дея Мареска сўзларини келтиради журналист Фабрицио Романо.

“Челси” навбатдаги ўйинини 22 август, пайшанба куни ўз майдонида Конференциялар лигаси доирасида “Серветте”га қарши ўтказади. Ўйин Тошкент вақти билан 00:00да бошланади.