Франциянинг "ПСЖ" клуби жамоа бош мураббийи Луис Энрике билан шартномани узайтиришни режалаштирмоқда, дея хабар беради Le Parisien.

Манба берган хабарга кўра, клуб ва мураббий ўртасида ҳали музокаралар бошланмаган, бироқ иккала томон ҳам ҳамкорликни давом эттиришни хоҳлаётгани қайд этилган. Маълум қилинишича, музокаралар жорий мавсумда бошланади. Мураббий билан амалдаги шартнома муддати 2025 йилнинг июлигача.

Луис Энрике 2023 йилнинг ёзида "ПСЖ"га келди. Клубдаги бир йил давомида у учта совринни қўлга киритди ва Чемпионлар лигасининг ярим финалига чиқди.