Саудия Арабистонининг “Ан-Наср” клуби молиявий қийинчиликларни бошдан кечирмоқда, деб хабар беради Essentially Sports.

Манбага кўра, раҳбарият Саудия сармоя жамғармасидан жамоани кучайтириш учун пул сўраган, бу рад этилган. Қайд этилишича, ҳужумчи Криштиану Роналду клубдаги молиявий инқироздан хабардор ва бундан норози. Шу билан бирга, 39 ёшли юлдуз футболчи “Ан-Наср” раҳбариятининг илтимосига кўра, мавжуд вазият ҳақида очиқчасига изоҳ бермаяпти.

Ўтган мавсумда Роналду барча турнирларда 45 та ўйинда қатнашиб, 44 та гол ва 13 та голли узатмани амалга оширган.