Мадриднинг «Реал» клуби бош мураббийи Жозе Моуриньо Европа чемпионлар лигасининг 1/2 финал дастлабки учрашувидан ўрин олган «Боруссия»га қарши ўйин борасида ўз фикрларини билдириб ўтди.
«Ҳозирги кунда «Боруссия» энг яхши жамоа бўлиб турибди. Улар майдондаги ҳар бир индивидуал курашларда ғолиб бўлишди. Улар жисмоний жиҳатдан ҳам кучлироқ ва ғалабага ҳақлироқ эди».
«1:1 ҳисоби қандай қилиб 4:1 кўринишини олди? Бунисини билмадим. Барчаси жуда тез содир бўлди. Биз жуда тез тўп назоратини йўқотдик ва рақиб қарши ҳужумларида ҳеч нарса қила олмадик», дея Моуриньонинг сўзларидан иқтибос келтирмоқда ВВС.