"Реал Мадрид" Ла Лигадаги мағлубиятсиз сериясини узайтирди. 2-турда Карло Анчелотти шогирдлари “Валядолид”ни мағлуб этишди (3:0).
Мадридликлар сўнгги бор чемпионатда 2023 йил 24 сентябрда “Атлетико”га мағлуб бўлган (1:3).
Ўшандан бери "Реал" Ла Лигада 34 учрашувда мағлуб бўлмаган, 25 марта ғалаба қозонган ва 9 марта дуранг ўйнаган.
Аввалги рекорд 30 ўйиндан иборат бўлиб, пойтахт клуби томонидан 1988 йилнинг майидан 1989 йилнинг апрелигача ўрнатилган эди.
29 август куни "Реал Мадрид" чемпионат доирасида "Лас-Пальмас" билан учрашади.