Дортмунднинг «Боруссия» клуби бош мураббийи Юрген Клопп «Реал»га қарши ярим финал учрашувидан кейин ўз фикрларини билдирар экан, ғалабадан ҳаволаниб кетмаслик лозимлигини таъкидлади.

«Ҳозир энг муҳим бу ғалаба хурсандчилигидан ақлдан озмаслик. Эҳтиёт бўлиш керак».

«Шукрки, жавоб учрашувидан олдин ўйинга мос муносабатда бўлиш учун тажрибам бор».

«Мен Гётце билан фахрланаман. У бугун ажойиб футбол намойиш этди. Шунингдек, барча мухлисларимиздан ҳам фахрланаман. Улар стадионда ҳар доимгидан ҳам аъло атмосферани яратиб бера олишди».

«Агар бугун «Реал» ҳисобни тенглаштирмаганда, биз яна учта гол ура олмаган бўлардик. Иккинчи бўлимда хатоларни тўғрилашга муваффақ бўлдик», дейди Клопп.