Ла Лиганинг 2-туридан ўрин олган "Вальядолид"га қарши ўйинда "Реал" сафидаги расмий дебютида Эндрик илк бор майдонга тушди ва дарҳол гол урди. 18 ёшли бразилиялик ўйиндан кейин берган интервьюсида нафақат уни қоралаган, балки оиласи ва севгилисига ҳам таъсир қилган танқидчилар ҳақида қаттиқ гапирди.

"Ҳаммамиз жуда хурсандмиз. Бугун мен оилам мени кузатиб туришини билган ҳолда ўйнадим ва биз "Бернабеу"да 3:0 ҳисобида ғалаба қозондик. Қанчалик меҳнат қилганимни, азоб чекканимни билишади, мен билан бирга азоб чекишган. Одамлар нафақат мени, балки оиламни, ҳатто қиз дўстимни ҳам танқид қилишди... Биз бирга кўп нарсаларни бошдан кечирдик, энди эса бу лаҳзадан завқланиш шунчаки ажойиб”, — деди у интервьюсида.