Афсонавий Лотар Маттеус фаолиятидаги асосий клуби "Бавария"дан хавотирда - унинг фикрича, клуб ҳимояси заиф. Унга, айниқса, бир йил аввал “Наполи”дан сотиб олинган кореялик ҳимоячи Ким Мин Чжэ ёқмайди – унинг савияси Германиянинг энг номдор клубининг юқори талабларига жавоб бермайди, деб ҳисоблайди.
"Мен Кимни ҳақорат қилишни хоҳламайман, лекин у "Бавария" даражасида эмас, етарлича тез ва ишончли эмас. Мен уни бошидан ёқтирмаганман. Тўпни кўп ўтказиб юборади. Бу “Бавария”нинг даражаси эмас. Ростини айтсам, у "Наполи"да яхшироқ кўринарди", - дея Маттеуснинг сўзларини келтиради Sky Sport DE.
