"Барселона", "Манчестер Сити" ва Чили терма жамоасининг собиқ дарвозабони Клаудио Браво профессионал фаолиятини якунлаганини расман эълон қилди.
"Сизларга шуни маълум қилмоқчиманки, мен профессионал футболни тарк этаман. Мен тўғри, ўйланган қарорни қабул қилдим, уни оилам билан муҳокама қилдик. Ҳаётимда янги босқични бошлаш вақти келди.
Менга барча соҳаларда ҳам шахсий, ҳам профессионалда ўсиш ва ривожланиш имкониятини берган барча клубларга раҳмат", - деди Браво.
41 ёшли дарвозабоннинг сўнгги клуби Испаниянинг "Бетис" клуби бўлиб, унда 2020 йилдан буён ўйнаб келмоқда эди.
