Португалия терма жамоасининг 21 ёшли ҳужумчиси Франсишку Консейсау расман Туриннинг “Ювентус” клуби футболчисига айланди. "Порту"дан кўчиб ўтган футболчи Италия жамоасида жорий мавсум охиригача ижара асосида ўйнайди.
Ижарага сотиб олиш опцияси кирмаслиги аввалроқ хабар қилинган эди. Шартнома 7 миллион еврога тенг бўлиб, Португалия клуби яна 3 миллион еврогача бонус олиши мумкин.
Ўтган мавсумда 21 ёшли футболчи "Порту"нинг барча турнирлар доирасидаги 43 та ўйинида қатнашиб, 8 та гол урди ва 8 та голли узатмани амалга оширди. Франсишку Консейсау терма жамоа таркибида Евро-2024да иштирок этган.
Transfermarkt порталида берилган маълумотларга кўра, футболчининг бозор қиймати 22 миллион еврони ташкил қилади.
