Лондоннинг "Арсенал" клуби спорт директори Эду Гаспар "канонирлар"нинг сўнгги трансфери ҳақида фикр билдирди.
Лондон клуби сафига "Реал Сосьедад" жамоаси ярим ҳимоячиси Микель Мерино қўшилди.
"Биз Микель Мерино трансферини якунлаганимиздан жуда мамнунмиз. Ёзда бир қатор клублар томонидан қизиқиш уйғотган футболчининг трансферини якунлаш клубдаги кўпчиликнинг яна бир ажойиб жамоавий саъй-ҳаракатлари бўлди. Микел бу ёзда бизнинг асосий мақсадимиз бўлди ва биз уни таркибимизга тўлиқ мослаша оладиган ўйинчи сифатида аниқладик, у таркибимизни яхшилайди" - деди Гаспар "канонирлар" матбуот хизматига.
Эслатиб ўтамиз, Мерино Испания терма жамоаси таркибида шу йилнинг ёзида Европа чемпиони бўлганди.
