2014 йилги жаҳон чемпиони Мануэль Нойер яқинда Германия терма жамоасидаги фаолиятини якунлаганини эълон қилди ва энди немис журналистлари унинг "Бавария"дан ҳам кетиши мумкинлигидан хавотирда. Ҳозирча унинг бундай режалари йўқ, деб ишонтирди 38 ёшли дарвозабон.
"Айни дамда ўзимни яхши ҳис қиляпман, назаримда улар менинг ўйинимдан мамнун. Мавсум охирида клубни тарк этиш ниятим йўқ. Мен мавсумни ҳаммаси июнда тугайди, деган ўй билан бошламайман, бундай фикрлар йўқ", - дея Нойернинг сўзларини келтиради Kicker.
Нойер 2011 йилдан бери “Бавария”да ўйнамоқда, у аввал “Шальке”да ўйнаган.
