2014 yilgi jahon chempioni Manuel Noyer yaqinda Germaniya terma jamoasidagi faoliyatini yakunlaganini e’lon qildi va endi nemis jurnalistlari uning "Bavariya"dan ham ketishi mumkinligidan xavotirda. Hozircha uning bunday rejalari yo‘q, deb ishontirdi 38 yoshli darvozabon.
"Ayni damda o‘zimni yaxshi his qilyapman, nazarimda ular mening o‘yinimdan mamnun. Mavsum oxirida klubni tark etish niyatim yo‘q. Men mavsumni hammasi iyunda tugaydi, degan o‘y bilan boshlamayman, bunday fikrlar yo‘q", - deya Noyerning so‘zlarini keltiradi Kicker.
Noyer 2011 yildan beri “Bavariya”da o‘ynamoqda, u avval “Shalke”da o‘ynagan.
