"Ливерпуль" ҳужумчиси Дарвин Нуньес Англия Премьер-лигасининг бошқа топ-клубига ўтиши мумкин. Fichajes хабарига кўра, уругвайлик форварднинг трансферига Лондоннинг "Арсенал" клуби қизиқмоқда.
Дарвин испаниялик мураббий Микель Артета қўл остида ўйнаш учун Англия пойтахтига кўчиб ўтишга рози бўлиши мумкин. Мерсисайдликлар, ўз навбатида, футболчини сотиш бўйича таклифни кўриб чиқишга тайёр.
Англия Премьер-лигасининг ўтган мавсумида Дарвин 36 та ўйинда иштирок этди. 25 ёшли тўпурар 11 та гол урди ва 8 та голли узатмани амалга оширди.
