"Вулверхэмптон" ва Мали терма жамоаси футболчиси Бубакар Траоре кўплаб клубларнинг эътиборини тортди.
Таянч ярим ҳимоячи Премьер-лигада икки мавсум ўтказди.
Футболчи ўзининг биринчи йилида жарохат олди ва жуда кам ўйнади. Ўтган мавсумда мураббийлар штаби ундан кўп баҳсларда фойдаланди ва футболчи ўзини яхши томондан кўрсата олди.
Натижада у барча турнирларда 38 та ўйин ўтказди. Бу ёзда у Мали терма жамоасига Олимпиаданинг гуруҳ босқичидан чиқишга ёрдам бера олмади.
Шунга қарамай, футболчи барча учрашувларни алмаштиришларсиз ўтказди ва сардорлик боғичини тақиб чиқди.
L'Équipe хабарига кўра, футболчига "Ланс", "Фейеноорд" ва Мёнхенгладбахнинг "Боруссия" клублари қизиқиш билдирмоқда.
