Ярим ҳимоячи Мануэль Угарте деярли "Манчестер Юнайтед" футболчисига айланди. Инсайдер Фабрицио Романонинг хабар беришича, 23 ёшли уругвайлик футболчи АПЛ клуби учун тиббий кўрикдан муваффақиятли ўтган.
Энди, Угартенинг "ПСЖ"дан "Манчестер Юнайтед"га ўтиши ҳақидаги расман эълон қилинишини кутишгина қолди холос. Уругвайлик футболчи Франция чемпионатининг топ-клубида атиги бир йил ўйнади.
Эслатиб ўтамиз, Transfermarkt портали Мануэль Угартени 45 миллион еврога баҳолаган. "Манчестер Юнайтед" АПЛ доирасидаги навбатдаги ўйинини 1 сентябр, якшанба куни "Ливерпул"га қарши ўтказади.
