"Ан-Наср" ҳужумчиси Криштиану Роналду клуб миқёсидаги энг ўзига хос ғалаба деб атади.

39 ёшли португалиялик 2007/08 йилги мавсумда Москвада бўлиб ўтган Чемпионлар лигаси финалида ғалаба қозонганини айтди. Ўшанда "Лужники" стадионида "Манчестер Юнайтед" "Челси"ни пенальтилар сериясида мағлуб этди.

"Энг ўзгача деганда, 2008 йилда "Манчестер Юнайтед"да ўйнаганимда, биринчи Чемпионлар лигаси финали ёдимга тушади. Биз ғалаба қозондик, ўйиндан гол урдим, лекин пенальтилар сериясида ноаниқ ҳаракат қилдим.

Албатта, "Реал" билан эришган тўртта ғалабамиз ақл бовар қилмайди" - деди Роналду 2024/25 йилги Чемпионлар лигаси қура ташлаш маросимида.