Бугун Монакода Европа лигасининг умумий босқичига қуръа ташлаш маросими бўлиб ўтади.

Тадбир Тошкент вақти билан соат 16:00да бошланади.

Турнирда 36 та клуб иштирок этади. Улар тўрт саватга бўлинган.

Умумий босқичда ҳар бир жамоа 8 та ўйин ўтказади: 4 та ўз майдонида, 4 таси меҳмонда. Ҳар бир клуб учун 8 та рақиб танланади (ҳар бир саватчадан 2 тадан).

Умумий жадвалда 36 та клубнинг барчаси жой олган. Дастлабки 8 ўринни эгаллаган жамоалар тўғридан-тўғри 1/8 босқичга чиқади. 9-ўриндан 24-ўрингача бўлган жамоалар жуфтлик плей-офф босқичида ўйнайди. 25-ўриндан 36-ўрингача бўлган жамоалар учун Европа мавсуми якунланади.

Якуний тақвим ва ўйинларнинг бошланиш вақтлари кейинроқ - 31 август куни эълон қилинади.

1-саватча: «Рома», «Манчестер Юнайтед», «Порту», «Аякс», «Рейнджерс», «Айнтрахт», «Лацио», «Тоттенхэм», «Славия» Прага;

2-саватча: «Реал Сосьедад», АЗ, «Олимпиакос», «Лион», «Фенербахче», «Брага», ПАОК, «Маккаби» Тель-Авив, «Ференцварош»;

3-саватча: «Карабах», «Галатасарай», «Буде-Глимт», «Виктория» Пльзень, «Юнион», «Динамо» Киев, «Лудогорец», «Мидтьюлланд», «Мальме»;

4-саватча: «Атлетик», «Хоффенхайм», «Ницца», «Андерлехт», «Твенте», «Бешикташ», ФКСБ, РФШ, «Эльфсборг».