Бир неча кун олдин ярим ҳимоячи Микель Мерино «Арсенал» сафига келиб қўшилди. Испаниялик футболчи жароҳати туфайли яқин орада Лондон жамоасида дебют ўтказа олмайди.
«Канонирлар» бош мураббийи Микель Артета бу борада фикр билдирди.
«Афсуски. Кеча у тўқнашувга учради ва елкасидан жароҳат олди. Мерино бир неча ҳафтага сафдан чиқди. У йиқилди ва Габриэль унинг устига тушди», деди Артета жума куни бўлиб ўтган матбуот анжуманида.
31 август шанба куни «Арсенал» ўз уйида «Брайтон»га қарши ўйин ўтказади.
