Сон Хён Миннинг отаси болаларга нисбатан зўравонлик учун жазоланади.
Эслатиб ўтамиз, Сон Юн Жунг ва унинг академиясининг икки мураббийи ёш футболчини оғзаки ҳақорат қилишда ва машғулотлар ва ўйинлар вақтидаги хатолар учун унга нисбатан жисмоний жазо қўллашда айбланган эди.
Улардан бири болани бурчак байроғи билан ургани айтилган. Бошқа футболчиларга ҳам жисмоний жазо қўлланилган.
Чунчхон вилояти прокуратураси мураббийларга жарима тўлаш ва болаларга нисбатан зўравонликнинг олдини олишга қаратилган ўқув дастуридан ўтишни буюрди.
Агар суд ёки айбланувчи очиқ суд муҳокамасини талаб қилмаса, прокурорнинг қарори якуний ҳисобланади.
