«Реал» ярим ҳимоячиси қишда жамоани тарк этиши мумкин. Гап 28 ёшли испаниялик Дани Себальос ҳақида кетмоқда.
"Todofichajes" портали хабарига кўра, ярим ҳимоячи кўпроқ ўйин амалиётига эга бўлишни истайди, ярим ҳимоядаги катта рақобат туфайли «Реал» бунга кафолат бера олмайди. Шу муносабат билан Себальос клубини ўзгартириш ҳақида ўйлаган. Испаниялик футболчига Ла Лиганинг яна бир вакили «Севилья» даъвогар сифатида кўрилмоқда. Андалусияликлар ёзда Данини сотиб олмоқчи эди, аммо "Лос Бланкос" футболчини қўйиб юбормади.
Себальоснинг «Реал» билан шартномаси 2027 йилнинг июнь ойи охиригача тузилган. Унинг трансфер нархи 6 миллион евро.
